Во РЕХАУ, сигурноста на вработените, клиентите и партнерите има највисок приоритет. Затоа, ние внимателно ја следиме ситуацијата со развојот на новиот Корона вирус КОВИД-19, кој се појави во декември 2019 во градот Вухан/Кина и се распространи ширум целиот свет.
Вработените и клиентите
Поради постојаното ширење на Корона вирусот КОВИД-19, вработените во РЕХАУ ќе ги ограничат своите службени патувања, a во случаите кога мора да патуваат, ќе носат заштини маски. Состаноци и презентации се одвиваат, пред се преку дигитални канали. Посетите во објектот на РЕХАУ се дозволени исклучиво со носење на маска и дезинфекција на раце. За таа цел РЕХАУ има обeзбедено заштитни маски за една употреба, како и средства за дезинфекција на раце.
На сите вработени итно им се препорачува придржување на стандардите за хигиена како и избегнување на собири на повеќе лица колку што е можно повеќе. Во самиот деловен простор е направена следнава организација:
- вработените работат само по 1 лице во една канцеларија
- за работни места каде што е возможно, обезбедени се услови за работа од дома
- вработените не користат јавен превоз за доаѓање до/одење од работното место
- носењето на заштитна маска е задолжително во целиот објект
- постојано се врши дезифекција на работните површини
- лицата од надвор влегуваат со задолжително носење на заштитна маска
Со овие мерки сакаме, колку што е можно повеќе, да ја намалиме опасноста од зараза на сите вработени и клиенти.
Испорака на материјал
И покрај отежнатите услови во кои денес се работи, ние го даваме својот максимум за навремена и целосна испорака на материјал, кон нашите клиенти. Го задржуваме правото на измени на термините за испорака, во случаи кога самата испорака е засегната од новонастанатата ситуација со КОВИД-19.
Нашите податоци за контакт може да се најдат на следниот линк: https://www.rehau.com/mk-mk/kontakt
Заеднички и разумно, можеме да го забавиме ширењето на вирусот и да ги заштитиме вработените и клиентите. Останете здрави!